Қазақстандық оқушылар Халықаралық математикалық Олимпиадада 3 күміс және 2 қола медаль иеленді

29.09.2020, 16:59

Қазақстан құрама командасы 61-ші Халықаралық математикалық Олимпиадада (International Mathematical Olympiad) үш күміс және екі қола медаль жеңіп алды. IMO 2020 жарысына әлемнің 100-ден астам елінен жоғары сынып оқушылары қатысты. Қазақстандық команданың құрамында 6 адам болды.

Құрама команданың жаттықтырушысы, математика пәні бойынша халықаралық олимпиадалардың бірнеше дүркін жеңімпазы Қанат Сатылханов шәкірттерінің жетістіктеріне көңілі толатынын атап өтті. Биыл балалар IMO 2020 халықаралық сайыстың барлық қатысушылары сияқты қашықтан дайындалды.

"Олимпиада прокторинг жүйесі арқылы өтті. Жарыс бүгін ресми түрде аяқталады. Қазақстанның командалық нәтижелері өткен жылмен салыстырғанда айтарлықтай жақсарды. Алтын медаль жеңіп алуға бір ғана ұпай жетпеді. Негізінен біздің балаларымыз өте мықты. Әр бала өз алдына қойған мақсатына жете алады. Осы ретте балаларға қолдау көрсету маңызды. Ата-аналар мен педагогтерге бірлескен еңбегі үшін алғыс айтамын", – деді Қанат Сатылханов.

Ел намысын қорғаған команда құрамына Таир Сатубалдин (Алматы қ.), Тамирлан Бектемісов (Алматы қ.), Нұртас Шынтас (Алматы қ.), Юрий Тен (Алматы қ.), Данат Дүйсенбеков (Нұр-Сұлтан қ.) және Фетуллах Сам (Нұр-Сұлтан қ.) кірді.

Халықаралық математика олимпиадасының ережелеріне сәйкес жоғары сынып оқушыларына екі күннің ішінде 6 есепті шешуі тиіс. Тапсырмалар математиканың әртүрлі бөлімдері бойынша, негізінен геометрия, алгебра, сандар теориясы және комбинаторикадан беріледі.

@edu_news_qz

Сайтта жарияланған барлық материалдардың (ашық сабақтар, сабақ жоспарлары, баяндамалар, т.б.) авторлық құқығы жариялаушыға тиесілі. Жариялаушы ҚР заңдарын қатаң сақтауға міндетті. Автордың жариялаған материалдары редакцияның көзқарасымен толық сәйкес келмеуі мүмкін.

Адрес

Карта проезда

Телефон: +7 (775) 998-83-87

Е-mail: qaztest.kz@mail.ru

Төлем қабылдау: