Qaztest.kz - республикамыздағы қазақ тілінде білім беретін мектеп оқушылары мен педагог мамандарға арналған онлайн олимпиада сайты.

Qaztest олимпиадалары туралы "Егемен Қазақстан" Республикалық басылымына мақала жарияланды. Мақаланы осы сілтемеден оқи аласыз. 

Qaztest.kz қазақ тілді интернет олимпиада сайты – 2017 жылы ҚР Тұңғыш Президенті – Елбасы қорының «Ең үздік білім сайты» аталымының жеңімпазы атанды.  

Сайт  2018 жылдың қыркүйек айында ҚР Ақпарат және коммуникациялар министрлігі Ақпарат комитетіне тіркеліп, желілік басылым ретінде №17359-СИ куәлігін алды. Желілік басылымның бас редакторы қызметін Б.Төлеген атқарады. Редакцияның мекен-жайы: Алматы қаласы, Абай даңғылы 143 үй.

Qaztest – білім әлеміндегі қашықтықтан ұйымдастырылған интернет олимпиадасы. Бұл жоба ұлттық құндылықтармен өз әдебиетімізге байланысты білім алушының білімін бағамдайтын еліміздегі таза қазақ тіліндегі алғашқы жоба.

Сайт жоғары деңгейде жүзеге асырып келе жатқан олимпиадалары:

Республикалық А.Байтұрсынұлы атындағы қазақ тілі мен әдебиеті олимпиадасы

Республикалық Е.Б.Бекмаханов атындағы қазақстан тарихы олимпиадасы

Республикалық "Үздік педагог" олимпиадасы

Республикалық "Үздік сынып жетекші" олимпиадасы

Республикалық "Үздік мектепке дейінгі ұйым қызметкері" олимпиадасы т.б. 

Qaztest - білімнің ақ туын биік ұстаған әрбір жанға анық жол көрсетіп, алға жетелейтін қашықтық олимпиада.  Елбасымыз «Қазақстан жаңа жаһандық нақты ахуалда: өсу, реформалар, даму» Жолдауында Қазақстанның жас азаматтарына «Білімді, еңбекқор, бастамашыл, белсенді болуға қазірден бастап дағдыланыңдар",-деп атап айтқаны бәрімізге белгілі. Білімді де еңбекқор жастарды тәрбиелеу мақсатында жүзеге асырылатын Qaztest олимпиадасы арқылы оқушы өз білімінің деңгейін анықтай алады.

Qaztest – білім алушының білімділігін тексеру және бағалау, нәтижесін бақылау, сонымен қатар танымдық ой – өрісін басқаруға арналған жоба. Бұл қашықтықтан ұйымдастырылған олимпиада арқылы оқушы өзінің сабақты қаншалықты меңгергенін ұғына алады. Осындай жобалар арқылы  білімді тексермесе, онда оқушы өз білімін терең, жан-жақты және дұрыс бағалай алмасы анық.  Жобаның қорытындысы арқылы шәкірт  өзінің мектептегі жұмыстарын жетілдіруге, жақсы нәтиже көрсетуге , кемшіліктерін түзеуге мүмкіндік алады. Және оқушының білімін үнемі тексеріп тұру арқылы  баға оқушының ойына қозғау салып, білімін жетілдіруге үлкен жол ашады.  Оқушыларға қашықтықтан қосымша білім беру - үздіксіз білім берудің ажырамас бөлігі, жеке тұлғаны өздігінен дамытуға, шығармашыл, дарынды балаларды анықтауға, оларға қолдау көрсетуге және балалардың құқықтарын қорғауға бағытталған жоба.

Олимпиада арқылы  жас ұрпаққа   ана  тілін  толық меңгертіп,   өз ана  тіліне деген  құрмет  сезімін арттыру, өз  ұлтына , еліне  деген  сүйіспеншілігін  ояту , қазақ тілінің мәртебесін  көтеруге үлес қосу.

Олимпиадаға қатысып, бағыңызды сынаңыз, жас дос!