«Үздік балабақша тәрбиешісі» олимпиадасы (2-кезең)

13.12.2019, 17:43

ҚР Тұңғыш Президенті қоры сыйлығының иегері, үздік қазақ тілді білім сайты атанған  Martebe.kz республикалық білім порталы Qaztest.kz онлайн олимпиада ұйымдастыру комитетімен біріге отырып республикамыздағы мектепке дейінгі ұйым тәрбиешілері арасында өтетін ІV республикалық «Үздік балабақша тәрбиешісі»  олимпиадасын (бұдан әрі Олимпиада) жариялайды. Байқау биыл алғаш рет тест форматында өткізіліп жатыр.

Олимпиадаға мектепке дейінгі ұйымдарда қызмет жасайтын тәрбиешілер қатыса алады. Олимпиаданың 1-кезеңінде типтік бағдарлама мен ҚР жалпыға міндетті білім беру стандарты бойынша, 2-кезеңінде білім беру әдістемесі бойынша беріледі. Олимпиада qaztest.kz сайтында өтеді. 

Олимпиада екі кезеңнен өткізіледі. Бірінші кезең уақыты: 20 қараша – 13 желтоқсан.

Бірінші кезең 13 желтоқсан сағат 00:00-де ресми аяқталады. 17 ұпайдан жоғары ұпай алып ЖОЛДАМА алған қатысушылар екінші кезеңге қатыса алады. Екінші кезең уақыты: 14 – 23 желтоқсан аралығы.

Қорытынды 24 желтоқсан күні сайтта жарияланады.

Олимпиада жүлдегерлеріне І,ІІ,ІІІ дәрежелі дипломдармен және екі кезең нәтижесі бойынша ең жоғары ұпай алған 50 тәрбиеші «Үздік тәрбиеші» төсбелгісімен марапатталады.

 «Үздік тәрбиеші» төсбелгісіне екі кезеңге қатысып жиынтық ұпайы бойынша жоғары ұпай алған қатысушалыр иеленеді. 

Олимпиаданың ақпараттық демеушісі Martebe.kz республикалық білім порталы. Олимпиада туралы толық ақпаратты +7(727) 229-63-69; +7 700 978 59 22; +7 775 998 83 87 телефондары арқылы білуіңізге болады.