ҚР Білім және ғылым министрлігінің қашықтық олимпиадаларға қатысушыларда алған дипломдардың мәртебесі туралы сұрақтарға жауап жариялаймыз.

Қазақстан Республикалысының Білім және ғылым министрі Асхат Аймағамбетов мырза өзінің блогында осы сұраққа жауап берді.

Нысанбаева Гүлмира есімді азаматша: "Мектепке дейінгі ұйым қызметкерлерін қоспағанда, бастауыш сынып мұғалімдеріне ұйымдастырылатын байқаулар өте аз. Білім министрлігі оларға шектеу қоймақшы. "Ережеге" өзгеріс енгізіп, бізге қашықтық олимпиадаларға қатысуға мүмкіндік берсеңіздер" деп өтініш қалдырған.

Бұл сұраққа министр А.Аймағамбетов мырза: "ҚР Білім және ғылым министрлігінің ұсынылатын қашықтық олимпиадалар туралы  2018 жылғы 24 мамырдағы №226 бұйрығы өз күшін жойды. Аттестация үшін Қазақстан Республикасы Білім және ғылым министрінің 2016 жылғы 27 қаңтардағы № 83 бұйрығында көрсетілген халықаралық, республикалық, облыстық, аудандық кәсіби, пәндік олимпиадалар және басқа да шаралар жарамды" деп жауап берді. 

Qaztest.kz олимпиада ұйымдастыру комитеті өткен жылғы бұйрықтың шектеуші сипатқа ие болғанын және аттестаттау үшін қашықтық олимпиадаларының белгілі бір тізімін реттегенін айтқымыз келеді. Яғни, 2018 жылғы 24 мамырдағы №226 бұйрығы олимпиадалар мен конкурстардың тізімін жариялады. Қазіргі кезде олимпиада түрлері үшін жасалынған барлық шектеулер алынып тасталды. 

Qaztest.kz сайтында ұйымдастырылып жатқан пәндік олимпиадалар ҚР Заңнамаларына сәйкес ұйымдастырылып, әрекет етіп жатқанын хабарлаймыз. 

Qaztest олимпиада ұйымдастыру комитеті сапалы олимпиадалар ұсыну мақсатында еліміздегі беделді жоғары оқу орыны Абай атындағы қазақ ұлттық педагогикалық университетімен және Астана қаласындағы Мемлекеттік тілді дамыту қорымен ынтымақтастық туралы меморандум жасасты.

"Аттестаттау ережесі мен өткізу шарттары Қазақстан Республикасы Білім және ғылым министрінің 2016 жылғы 27 қаңтардағы №83 бұйрығына өзгерістер енгізу туралы" және 2018 жылғы 12 сәуірдегі №152 "Қазақстан Республикасы Білім және ғылым министрлігінің 2016 жылғы 27 қаңтардағы №83 бұйрығына өзгерістер енгізу туралы" өзекті құжатты педагог қызметкерлері басшылыққа алуға міндетті.

Аттестаттау саласындағы өзекті және қолданыстағы заң бар. Құжатпен ресми сілтеме бойынша танысуға болады http://adilet.zan.kz/rus/docs/V1800016838

1. Осы Қағидаларда мынадай негізгі терминдер мен анықтамалар қолданылады:

Пәндік олимпиадалар (9 тармақ), шығармашылық, кәсіби конкурстар, ғылыми, спорттық жарыстар – білім беру саласындағы уәкілетті орган бекіткен тізімге енгізілетін іс-шаралар.

Құрметпен олимпиада ұйымдастыру комитеті