ҚР Тұңғыш Президенті қоры сыйлығының иегері, үздік қазақ тілді білім сайты атанған Qaztest.kz онлайн олимпиада ұйымдастыру комитеті  республикамыздағы үздік психологтарды анықтау және оларды қолдау мақсатында дәстүрлі түрде ұйымдастырылған ІV Республикалық «Үздік психолог» қашықтық олимпиадасының өз мәресіне жеткенін хабарлайды.  

Олимпиадаға ағымдағы жылдың 6 маусымынан 6 шілде аралығында республикамыздың барлық өңірлеріндегі колледж, мектеп және мектепке дейінгі ұйымдардың психолог мамандары белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Олимпиада тапсырмалары жалпы және балалар психологиясы бойынша берілді.

Олимпиаданың мақсаты мен міндеттері:

1. Психолог мамандардың білім деңгейін тексеруге мүмкіндік жасау;

2. Психологтардың кәсіби біліктілігін арттыру және оларды қолдау, ынталандыру;

3. Республикамыздағы үздік психолог мамандарды анықтау және оларды марапаттау.

Бұл қашықтық олимпиада барлық өңірлердегі психолог мамандардың еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді. Қатысушыларға 25 сұрақтық тест тапсырмалары берілді.

Олимпиада ережесіне сәйкес ақтық кезеңде 17 ұпайдан жоғары алған қатысушылар олимпиада жүлдегері атанды. 

Орын ұпайлары:

І орын – 25-23 ұпай

ІІ орын – 22-20 ұпай

ІІІ орын – 19-17 ұпай

Олимпиада жүлдегерлерінің І, ІІ, ІІІ дәрежелі дипломдары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесіне сәйкес қорытынды нәтиже бойынша ең жоғары ұпай алған қатысушылар «Үздік психолог» төсбелгісімен марапатталады.

Сонымен қатар, олимпиадада ең жоғары нәтиже көрсетіп 24-25 ұпай алған қатысушылар «Құрмет грамотасымен» марапатталады.

Ескерту! Құрмет грамоталары қатысушылардың жеке парақшасында сақталады және электронды почталарына жіберіледі. 

 «ҮЗДІК ПСИХОЛОГ» ТӨСБЕЛГІСІНІҢ ИЕГЕРЛЕРІ

Ескерту!  Төсбелгі иегерлерін анықтауда 6 шілде күнгі сағат 23:59-ге дейінгі қатысушылардың нәтижесі есепке алынды. Дедлайннан кейін қатысқан қатысушылардың нәтижесі алынбайды.

Маңызды! Төсбелгі иегерлері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз. 

Қатысушылар ақпаратының құпиялылығы қатаң сақталады. 

Мекен-жайларыңыздың және басқа да ақпараттарыңыздың дұрыстығы сыйлықтарыңыздың дұрыс баруына әсер етеді. Қате берілген мекен-жайлар үшін олимпиада ұйымдастыру комитеті жауап бермейді. 

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз. 

Құрметпен Qaztest.kz олимпиада ұйымдастыру комитеті