«Озат педагог» олимпиадасы (мектепке дейінгі ұйым қызметкерлері)

30.04.2023, 17:10

ҚР Тұңғыш Президенті қоры сыйлығының иегері, үздік қазақ тілді білім сайты – Qaztest.kz онлайн олимпиада ұйымдастыру комитеті Абай атындағы ҚазҰПУ-мен жасалған меморандум аясында республикамыздағы білікті педагогтарды анықтау және оларды қолдау мақсатында II Республикалық «Озат педагог» қашықтық олимпиадасын (бұдан әрі Олимпиада) өткізеді.

Олимпиадаға білім беру ұйымдарында қызмет жасайтын оқытушылар, мектеп мұғалімдері және мектепке дейінгі ұйым қызметкерлері қатыса алады. Олимпиада тапсырмалары мұғалімдер мен мектепке дейінгі ұйым қызметкерлеріне жеке-жеке дайындалады.

Олимпиада qaztest.kz сайтында өтеді. 

Олимпиада бір кезеңнен ұйымдастырылады. Олимпиада 2023 жылдың 21 сәуір мен 20 мамыр аралығында өткізіледі. Қорытындысы 22 мамыр күні жарияланады.

Олимпиада қорытындысы бойынша жеңімпаздар мен жүлдегерлерге І, ІІ, ІІІ дәрежелі дипломдар, Үздік ұжымдарға арнайы плакетка беріледі. Республика бойынша ең жоғарғы ұпай алған қатысушыларға «Озат педагог» төсбелгісі тағайындалады және 24-25 ұпай жинаған қатысушылар «Құрмет грамотасымен» марапатталады.

Олимпиада туралы толық ақпаратты +7 700 978 59 22; +7 775 998 83 87 телефондары арқылы білуіңізге болады.