ҚР Тұңғыш Президенті қоры сыйлығының иегері, үздік қазақ тілді білім сайты атанған Qaztest.kz онлайн олимпиада ұйымдастыру комитеті Абай атындағы ҚазҰПУ-мен жасалған меморандум аясында қазақтың ұлы ақыны, философы әрі ағартушысы Абай Құнанбайұлының өмірі мен шығармашылық мұрасын кеңінен насихаттау мақсатында мұғалімдер арасында дәстүрлі түрде ұйымдастырылатын ІІІ Республикалық «Абай әлемі және рухани мұрасы» қашықтық олимпиадасының өз мәресіне жеткенін хабарлайды.

Олимпиадаға ағымдағы жылдың 23 қараша мен 23 желтоқсан аралығында республикамыздың барлық өңірлеріндегі мектеп мұғалімдері мен колледж оқытушылары белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Олимпиада тапсырмалары А.Құнанбайұлының өмірі мен шығармашылығы бойынша берілді.

Олимпиаданың мақсаты мен міндеттері:

1. Абай Құнанбайұлының өмірі мен шығармашылық мұрасын насихаттау;

2. Мұғалімдердің теориялық білімін тексеру;

3. Республикамыздағы үздік Абайтанушы ұстаздарды марапаттау.

Бұл қашықтық олимпиада барлық өңірлердегі мектеп мұғалімдері мен колледж оқытушылары еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді. Қатысушыларға 25 сұрақтық тест тапсырмалары берілді.

Олимпиада ережесіне сәйкес 17 ұпайдан жоғары алған қатысушылар олимпиада жүлдегері атанды. 

Орын ұпайлары:

І орын – 25-23 ұпай

ІІ орын – 22-20 ұпай

ІІІ орын – 19-17 ұпай

Олимпиадада ең жоғары нәтиже көрсетіп, қорытынды кезеңде 24-25 ұпай жинаған қатысушылар Құрмет грамотасымен марапатталды.

Қатысушыларының марапаттары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесінес әйкес, қорытынды нәтиже бойынша ең жоғары ұпай алған қатысушыларға «Абай жолы» роман-эпопеясының төрт томдығы сыйға табысталады. Қатысушылардың арасында олимпиаданы тапсыру ережелерінің бұзылуына байланысты марапат саны 10-нан 7-ге дейін төмендетілді.

Маңызды! ОЛИМПИАДА БАРЫСЫНДА ЕРЕЖЕ БҰЗУШЫ ҚАТЫСУШЫЛАР АНЫҚТАЛДЫ

Олимпиада қатысушылары арасында олимпиадаға қатысу ережесінің 4-бөлімінің өрескел бұзылғандығын хабарлаймыз. Ережеде төмендегі бөлімдер жазылған.

4.1. Қатысушы ешкімнің көмегінсіз тапсырмаларды өзі орындауы тиіс;

4.2. Қатысушының атынан өзге біреудің қатысқандығы құрылғының IP адресі арқылы анықталады. Расталған жағдайда қатысушының нәтижесі жойылады;

4.8. Координатор өзінің жеке парақшасы арқылы бір немесе бірнеше адамды қатыстыра алады (бір ұжымнан ғана қатыстыруы тиіс);

Ұйымдастыру комитеті нәтиже шығарарда қатысушылардың нәтижесін IP адресі арқылы тексеріп, бір адамның бірнеше қатысушылардың атынан қатысқандығы анықталды. Ережені өрескел бұзған қатысушыларға қатаң ескерту жасаймыз және сыйлық иегері бола алмайтындығын хабарлаймыз.

СЫЙЛЫҚ ИЕГЕРЛЕРІ

Ескерту! Сыйлық иегерлерін анықтауда 23 желтоқсан күнгі сағат 23:59-ге дейінгі қатысушылардың нәтижесі есепке алынды. Дедлайннан кейін қатысқан қатысушылардың нәтижесі қаралмайды. Олимпиада және сайт қолдану ережесінің 4-бөліміне сәйкес олимпиадаға қатысушының атынан өзге адамның қатысуына қатаң тыйым салынады. Осы ережені бұзған қатысушылардың нәтижесі сыйлық иегерлеріне енгізілмегенін тағы да ескертеміз.

Маңызды! Төсбелгі иегерлері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз.

Қатысушылар ақпаратының құпиялылығы қатаң сақталады.

Мекен-жайларыңыздың және басқа да ақпараттарыңыздың дұрыстығы сыйлықтарыңыздың дұрыс баруына әсер етеді. Қате берілген мекен-жайлар үшін олимпиада ұйымдастыру комитеті жауап бермейді.

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз.

Құрметпен Qaztest.kz олимпиада ұйымдастыру комитеті