ҚР Тұңғыш Президенті қоры сыйлығының иегері, үздік қазақ тілді білім сайты атанған Qaztest.kz онлайн олимпиада ұйымдастыру комитеті республикамыздағы білім беретін мекемелердің сынып жетекшілері арасында дәстүрлі түрде ұйымдастырылатын V Республикалық «Үздік сынып жетекші» олимпиадасының өз мәресіне жеткенін хабарлайды.  

Олимпиадаға ағымдағы жылдың 24 қаңтарынан 26 ақпан аралығында республикамыздың барлық өңірлеріндегі білім беретін мекемелердегі сынып жетекшілері белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Олимпиада тапсырмалары сынып жетекшінің тәрбие жұмысы мен әдістемесі, «Рухани жаңғыру» бағдарламасын іске асыру жағдайындағы тәрбиенің тұжырымдамалық негіздері және орта білім беру ұйымдарында сынып жетекшілігі туралы ереже бойынша берілді.

Олимпиаданың мақсаты мен міндеттері:

1. Жалпы білім беретін мектептерде қызмет ететін сынып жетекшілерінің кәсіби біліктілігін арттыру;

2. Шәкірт тәрбиесіндегі сынып жетекшілерінің алатын орны мен маңызын насихаттау;

3. Республика көлемінде үздік сынып жетекшілерді анықтау және оларды марапаттау.  

Бұл қашықтық олимпиада барлық өңірлердегі сынып жетекшілерін еш кедергісіз білім жарыстырып, біліктілігін арттыру мүмкіншілігін беріп отыр. Олимпиада 2 кезеңнен өткізілді. Әр кезеңде 25 сұрақтан, жалпы 50 сұрақтық тест тапсырмалары берілді. Іріктеу кезеңінен 17 ұпайдан жоғары ұпай алған қатысушылар ақтық кезеңге жолдама алды.

Олимпиада ережесіне сәйкес ақтық кезеңде 17 ұпайдан жоғары алған қатысушылар олимпиада жүлдегері атанды. 

Орын ұпайлары:

І орын – 25-23 ұпай

ІІ орын – 22-20 ұпай

ІІІ орын – 19-17 ұпай

Олимпиада жүлдегерлерінің марапаттары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесіне сәйкес екі кезең нәтижесі бойынша ең жоғары ұпай алған 30 қатысушы «Үздік сынып жетекші» төсбелгісімен марапатталады.

Сонымен қатар, 24-25 ұпай алған қатысушылар «Құрмет грамотасымен» марапатталды.

Маңызды! ОЛИМПИАДА БАРЫСЫНДА ЕРЕЖЕ БҰЗУШЫ ҚАТЫСУШЫЛАР АНЫҚТАЛДЫ

Олимпиада қатысушылары арасында олимпиадаға қатысу ережесінің 4-бөлімінің өрескел бұзылғандығын хабарлаймыз. Ережеде төмендегі бөлімдер жазылған.

4.1. Қатысушы ешкімнің көмегінсіз тапсырмаларды өзі орындауы тиіс;

4.2. Қатысушының атынан өзге біреудің қатысқандығы құрылғының IP адресі арқылы анықталады. Расталған жағдайда қатысушының нәтижесі жойылады;

4.8. Координатор өзінің жеке парақшасы арқылы бір немесе бірнеше адамды қатыстыра алады (бір ұжымнан ғана қатыстыруы тиіс); 

Ұйымдастыру комитеті нәтиже шығарарда қатысушылардың нәтижесін IP адресі арқылы тексеріп, бір адамның бірнеше адамның атынан қатысқандығы анықталды. Ережені өрескел бұзған қатысушыларға қатаң ескерту жасаймыз және төсбелгі иегері бола алмайтындығын хабарлаймыз. 

«ҮЗДІК СЫНЫП ЖЕТЕКШІ» ТӨСБЕЛГІСІНІҢ ИЕГЕРЛЕРІ

Ескерту!  Төсбелгі иегерлерін анықтауда 26 ақпан күнгі сағат 23:59-ге дейінгі қатысушылардың нәтижесі есепке алынды. Дедлайннан кейін қатысқан қатысушылардың нәтижесі алынбайды. Олимпиада және сайт қолдану ережесінің 4-бөліміне сәйкес олимпиадаға қатысушының атынан басқа адамның қатысуына қатаң тыйым салынады. Осы ережені бұзған қатысушылардың нәтижесі төсбелгіге енгізілмегенін тағы да хабарлаймыз. 

Маңызды! Төсбелгі иегерлері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз. 

Қатысушылар ақпаратының құпиялылығы қатаң сақталады. 

Мекен-жайларыңыздың және басқа да ақпараттарыңыздың дұрыстығы марапаттарыңыздың дұрыс баруына әсер етеді. Қате берілген мекен-жайлар үшін олимпиада ұйымдастыру комитеті жауап бермейді. 

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз. 

Құрметпен Qaztest.kz олимпиада ұйымдастыру комитеті