ҚР Тұңғыш Президенті қоры сыйлығының иегері, үздік қазақ тілді білім сайты атанған Qaztest.kz онлайн олимпиада ұйымдастыру комитеті Абай атындағы ҚазҰПУ-мен жасалған меморандум аясында бастауыш сынып мұғалімдерінің педагогикалық біліктілігін арттыру мақсатында өткізілген ІІ Республикалық «Үздік бастауыш сынып мұғалімі» қашықтық олимпиадасының өз мәресіне жеткенін хабарлайды.

Олимпиадаға ағымдағы жылдың 5 мамырынан бастап 25 мамыр аралығында республикамыздың барлық өңірлеріндегі білім беретін мекемелердегі бастауыш сынып мұғалімдері белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Қатысушыларға олимпиада тапсырмалары қазақ тілі, математика, дүниетану және жаратылыстану пәндері бойынша берілді.

Олимпиаданың мақсаты мен міндеттері:

1. Бастауыш сынып мұғалімдерінің білім деңгейін тексеруге мүмкіндік жасау;

2. Бастауыш сынып мұғалімдерінің педагогикалық біліктілігін арттыру және оларды қолдау, ынталандыру;

3. Республикамыздағы үздік бастауыш сынып мұғалімдерін анықтау және оларды марапаттау.

Бұл қашықтық олимпиада барлық өңірлердегі білім беретін мекемелердегі бастауыш сынып мұғалімдеріне еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді. Қатысушыларға 25 сұрақтық тест тапсырмалары берілді.

Олимпиада ережесіне сәйкес 17 ұпайдан жоғары алған қатысушылар олимпиада жүлдегері атанды.

Орын ұпайлары:

І орын – 25-23 ұпай

ІІ орын – 22-20 ұпай

ІІІ орын – 19-17 ұпай

ІІ РЕСПУБЛИКАЛЫҚ «ҮЗДІК БАСТАУЫШ СЫНЫП МҰҒАЛІМІ» ОЛИМПИАДАСЫНЫҢ ЖҮЛДЕГЕРЛЕРІНІҢ ТІЗІМІ

(Тізіммен сілтемеге басу арқылы таныса аласыз)

Олимпиада жүлдегерлерінің І, ІІ, ІІІ дәрежелі дипломдары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесіне сәйкес бастауыш сынып мұғалімдері арасында республика бойынша ең жоғары ұпай алған 5 қатысушы 10 000 теңгелік бір реттік стипендиямен және 24-25 балл жинаған қатысушылар «Құрмет грамотасымен» марапатталады (ең жоғары ұпай жинаған қатысушылардың санының аздығына байланысты 24 балл жинаған мұғалімдер тізімге енгізілді).

Ескерту! Құрмет грамоталары қатысушылардың электронды почтасына жіберіледі. 

Ескерту! Жеңімпаздарды анықтауда 25 мамыр күнгі сағат 23:59-ға дейінгі қатысушылардың нәтижесі есепке алынды. Дедлайн уақытынан кейін қатысқан қатысушылардың нәтижесі есептелмейді.

Маңызды! Стипендия иегерлері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз. 

Қатысушылар ақпаратының құпиялылығы қатаң сақталады. 

Мекен-жайларыңыздың және басқа да ақпараттарыңыздың дұрыстығы марапаттарыңыздың дұрыс жеткізілуіне әсер етеді. Қате берілген мекен-жайлар үшін олимпиада ұйымдастыру комитеті жауап бермейді. 

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз. 

Құрметпен Qaztest.kz олимпиада ұйымдастыру комитеті