ІІ РЕСПУБЛИКАЛЫҚ

«ҰЛЫ ДАЛАНЫҢ ЖЕТІ ҚЫРЫ ЖӘНЕ ҚАЗАҚ ЕЛІНІҢ ТАРИХЫ»

ОЛИМПИАДАСЫНЫҢ ҚОРЫТЫНДЫСЫ 

ҚР Тұңғыш Президенті қоры сыйлығының иегері, үздік қазақ тілді білім сайты атанған Qaztest.kz онлайн олимпиада ұйымдастыру комитеті мен Абай атындағы ҚазҰПУ-мен жасалған меморандум аясында Елбасы Н.Ә.Назарбаевтың 2018 жылы 21 қарашасында жарияланған «Ұлы даланың жеті қыры» атты мақаласында қарастырылған тарихи және мәдени құндылықтарды жас ұрпақтың бойына сіңіру мақсатында жалпы білім беретін мектеп оқушылары арасында өткізген ІІ Республикалық «Ұлы даланың жеті қыры және Қазақ елінің тарихы» қашықтық олимпиадасының өз мәресіне жеткенін хабарлайды.

Олимпиадаға ағымдағы жылдың 2 сәуірінен бастап 5 мамыр аралығында республикамыздың барлық өңірлеріндегі 5-11 сынып оқушылары белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Қатысушыларға олимпиада тапсырмалары Елбасы Н.Ә.Назарбаевтың мақаласында қамтылған тарихи мұралар мен мәдени құндылықтар және Қазақстан тарихы пәні бойынша берілді.

Олимпиаданың мақсаты мен міндеттері: 

Оқушылар 

1.           Елбасы Н.Ә.Назарбаевтың 2018 жылы 21 қарашасында жарияланған «Ұлы даланың жеті қыры» атты мақаласында қарастырылған тарихи және мәдени құндылықтарды жас ұрпақтың бойына сіңіру;

2.           Күрделі деңгейлі тапсырмаларды өздігінен орындау арқылы оқушылардың коммуникативті-ақпараттық дағдыларын дамыту;

3.           Оқушыларды патриотизмге баулу және еліміздің тарихы мен ұлттық мәдениетіне деген құрметті дәріптеу;

4.           Республикамыздағы озат оқушыларды анықтау, оларға қолдау көрсету және марапаттау.

Бұл қашықтық олимпиада барлық өңірлердегі 5-11 сынып оқушылары еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді. Қатысушыларға 25 сұрақтық тест тапсырмалары берілді.

Олимпиада ережесіне сәйкес 17 ұпайдан жоғары алған қатысушылар олимпиада жүлдегері атанды.

Орын ұпайлары:

І орын – 25-23 ұпай

ІІ орын – 22-20 ұпай

ІІІ орын – 19-17 ұпай

ІІ РЕСПУБЛИКАЛЫҚ «ҰЛЫ ДАЛАНЫҢ ЖЕТІ ҚЫРЫ ЖӘНЕ ҚАЗАҚ ЕЛІНІҢ ТАРИХЫ» ҚАШЫҚТЫҚ ОЛИМПИАДАСЫНЫҢ ЖҮЛДЕГЕРЛЕРІНІҢ ТІЗІМІ (ОҚУШЫЛАР) 

(Тізіммен сілтемеге басу арқылы таныса аласыз)

Олимпиада жүлдегерлерінің І, ІІ, ІІІ дәрежелі дипломдары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесіне сәйкес оқушылар арасында республика бойынша ең жоғары ұпай алған 20 қатысушы «Қазақстан үміті» төсбелгісімен және 25 ұпай жинаған қатысушылар «Озат оқушы» дипломымен марапатталады.

Ескерту! «Озат оқушы» дипломы қатысушылардың электронды почтасына жіберіледі. 

Олимпиада жеңімпаздары

Оқушылар

«Қазақстан үміті» төсбелгісінің иегерлерінің тізімі

Ескерту! Жеңімпаздарды анықтауда 4 наурыз күнгі сағат 23:59-ға дейінгі қатысушылардың нәтижесі есепке алынды. Дедлайн уақытынан кейін қатысқан қатысушылардың нәтижесі есептелмейді.

Маңызды! Сыйлық және төсбелгі иегерлері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз. 

Қатысушылар ақпаратының құпиялылығы қатаң сақталады. 

Мекен-жайларыңыздың және басқа да ақпараттарыңыздың дұрыстығы марапаттарыңыздың дұрыс жеткізілуіне әсер етеді. Қате берілген мекен-жайлар үшін олимпиада ұйымдастыру комитеті жауап бермейді. 

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз. 

Құрметпен Qaztest.kz олимпиада ұйымдастыру комитеті