Құрметті Qaztest.kz сайтының қолданушылары!

Сайтымызда өтіп жатқан "Үздік педагог" ІІІ Республикалық олимпиадасының екінші кезеңі бойынша ең жиі қойылатын сұрақтарға жауап береміз. Олимпиаданың өткізілу тәртібі бекітілген ереже бойынша жүзеге асырылады. Олимпиадаға қатыспас бұрын ережемен танысып шығыңыз. 

Олимпиадаға қай уақытта қатысуға болады?

Олимпиадаға 23 қазаннан 2 қарашаға дейінгі тәуліктің кез келген уақытында қатыссаңыз болады. Соңғы күнге қалмай ертерек нәтижеңізді алып қоюға кеңес береміз. Себебі, көп адамдар аяқталу уақытын күтіп тесттен дұрыс өте алмай қалып жатады.

Сұрақтар қайдан келеді?

Тест тапсырмаларын Абай атындағы Қазақ ұлттық педагогикалық университетінің кәсіби мамандары құрастырды. Сұрақтар мектеп және колледж педагогтеріне ҚР педагог қызметкерлерінің біліктілігін арттыру бағдарламасы мен әдістеме бойынша берілсе, мектепке дейінгі ұйым қатысушыларына мемлекеттік жалпыға міндетті стандарты мен үлгілік бағдарламасы бойынша беріледі. 

Екінші кезеңге кімдер қатысады?

Іріктеу кезеңінен 17 ұпайдан жоғары алып, жолдама алған қатысушылардың парақшасында ғана екінші кезең тесті ашылады. Іріктеуге қатыспаған болсаңыз екінші кезеңге қатыса алмайсыз. Ал іріктеу кезеңі 21 қазан күні аяқталды. 

Екінші кезеңге қатысу жарнасы қанша?

Олимпиада ұйымдастыру комитеті барлық олимпиадалар бойынша арнайы қатысу бағасын бекіткен. Ол педагогтерге бір реттік тест 600 теңге, екі реттік тест 1000 тг. Яғни, екінші кезеңге де бірінші кезеңдегідей жарна төлеп қатысасыз. Ол туралы олимпиада ережесінде жазылған. 

Менің іріктеу кезеңінен артық қалған тест мүмкіндігім бар. Оны пайдалана аламын ба?

Әрине, тест мүмкіндігін пайдалана аласыз. Сондай-ақ егер сіздің парақшаңызда артық тест мүмкіншілігі қалатын болса, оны алдағы уақытта да кез-келген олимпиадаға пайдалана аласыз. Ол сіздің парақшаңызда сақталады. 

Мен жолдама алдым. Бірақ парақшамда екінші кезең тесті шықпай тұр. Неге?

Оның себебі, сіз екінші рет тіркеліп басқа аккаунттан кіріп отыруыңыз мүмкін. Сол себепті, Менің нәтижелерім" деген жерден өткен олимпиадаңызды қарап, көз жеткізіп алыңыз. Егер логин, парольіңізді ұмытып қалып немесе парақшаңызға кіре алмаған болсаңыз, біздің почтаға осы мәселе бойынша хат жазыңыз. Біз сізді базадан тауып, сізге көмектесетін боламыз. 

Неге жауап бермейсіздер?

Демалыс немесе жұмыстан тыс түнгі уақыттарда мессенджерлер мен почталарға осындай хаттар келіп жатады. Сайт қызметкерлерінің жұмыс уақыты дүйсенбі - жұма 9:00 мен 18:30 аралығы. Сенбі, жексенбі - демалыс. Жұмыс уақытынан тыс уақытта телефондарға қоңыраулар қабылданбайды, ватсап чатқа жауап берілмейді. Егер сізде өте маңызды хабарлама болса, qaztest.kz@mail.ru почтасына хат жазыңыз. Хатыңызға қосылған уақытта жауап беріледі. Тағы бір ескертерлігі бұл тек сайт қызметкерлерінің жұмыс уақыты. Сайт 24/7 сағат жұмыс жасайды. 

Құрметпен, Qaztest.kz олимпиада ұйымдастыру комитеті