Құрметті Qaztest.kz сайтының қолданушылары!

Сайтта өтіп жатқан олимпиадалар кестесі елімізде болып жатқан төтенше жағдайларға байланысты өзгеріске ұшырағанын хабарлаймыз. Бұл шешім елімізде жарияланған төтенше жағдайлар мен карантинге байланысты шығарылып отыр. Сол себепті "Үздік жас маман" және "Бастауыш сынып мұғалімдерінің" олимпиадасының аяқталу күні 15 сәуірге дейін созылатынын хабарлаймыз. Қорытынды 17 сәуір күні сайтта жарияланатын болады. Өзгерістер болып жатса сайтқа жарияланатын болады. 

Естеріңізге сала кетейік, Қазақстан президенті Қасым-Жомарт Тоқаев коронавирусқа байланысты Қазақстан аумағында төтенше жағдай жариялады. 

"Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты азаматтардың өмірі мен денсаулығын қорғау мақсатында Қазақстанның барлық аумағында 2020 жылдың 16 наурыз сағат 8.00-ден бастап, 2020 жылдың 15 сәуір сағат 7.00-не дейін төтенше жағдай енгізілсін" делінген президент жарлығында.

Qaztest.kz ұжымы қашықтан жұмыс жасауда

20 наурыздан бастап еліміздің басты қалалалары Алматы мен Нұр-Cұлтан қалалары карантинге жабылған болатын. Офисіміздің уақытша жабылуы және қызметкерлердің қауіпсіздігі үшін Qaztest.kz ұжымы 20 наурыздан бастап қашықтан жұмыс жасауға көшті. 

Олимпиада қатысу жарнасы төмендетіледі

Сонымен қатар, Qaztest ұжымы карантин уақытында қолданушыларды қолдау мақсатында олимпиадаға қатысу жарнасын төмендетеді. Енді олимпиада қатысу жарнасы педагогтар үшін 600 теңгеден 500 теңгеге түсірілді. Ал екі реттік "Тиімді" тарифін 900 теңге дейін төмендеттік. 

Вирустың таралу қауіпі артуда

Елімізде соңғы күндері вирустың таралуы өте жоғары деңгейде жүріп жатыр. Соңғы мәліметтерді 325 адам тіркелді. Мамандар тұрғындардың үйінен шықпауы керектігін айтып, дабыл қағуда. Егер адамдар оқшауланып, үйден шықпай тәртіп сақтаса, вирустың беті қайтады дейді мамандар. Сол себепті тәртіп шараларын қатаң сақтауға кеңес береміз. 

Болып жатқан өзгерістер үшін түсіністік танытуларыңызды сұраймыз. Маңызды хабарламаларды сайттың Жаңалықтар бөліміне жариялап отыратын боламыз. 

Құрметпен, Qaztest.kz олимпиада ұйымдастыру комитеті