Үздік қазақ тілді білім сайты – Qaztest.kz онлайн олимпиада ұйымдастыру комитеті Абай атындағы ҚазҰПУ-мен жасалған меморандум аясында ағылшын тілі пәнінің мұғалімдері арасында ұйымдастырылған V Республикалық «Үздік тіл маманы» қашықтық олимпиадасының өз мәресіне жеткенін хабарлайды.

Олимпиадаға 2025 жылдың 3 қараша мен 3 желтоқсан аралығында республикамыздың барлық өңірлеріндегі мектеп мұғалімдері мен колледж оқытушылары белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Олимпиада тапсырмалары ағылшын тілі пәні бойынша берілді.

Олимпиаданың мақсаты мен міндеттері:

1. Республикамыздағы дарынды ұстаздарды анықтау және олардың кәсіби біліктілігін арттыру;

2. Мұғалімдердің теориялық білімін тексеру;

3. Республикамыздағы үздік тіл мамандарын марапаттау.

Бұл қашықтық олимпиада барлық өңірлердегі мектеп мұғалімдері мен колледж оқытушылары еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді. Қатысушыларға 25 сұрақтық тест тапсырмалары берілді.

Олимпиада ережесіне сәйкес 17 ұпайдан жоғары алған қатысушылар олимпиада жүлдегері атанды.

Орын ұпайлары:

І орын – 23–25 ұпай

ІІ орын – 20–22 ұпай

ІІІ орын – 17–19 ұпай

Олимпиадада ең жоғары нәтиже көрсетіп, 24–25 ұпай жинаған қатысушылар «Құрмет грамотасымен» марапатталды.

Қатысушыларының марапаттары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом–Сертификат» бөлімінде сақталады.

МАҢЫЗДЫ! ОЛИМПИАДА БАРЫСЫНДА ЕРЕЖЕ БҰЗУШЫ ҚАТЫСУШЫЛАР АНЫҚТАЛДЫ!

Олимпиада қатысушылары арасында олимпиадаға қатысу ережесінің 4-бөлімінің өрескел бұзылғандығын хабарлаймыз. Ережеде төмендегі бөлімдер жазылған.

4.1. Қатысушы ешкімнің көмегінсіз тапсырмаларды өзі орындауы тиіс;

4.2. Қатысушының атынан өзге біреудің қатысқандығы құрылғының IP адресі арқылы анықталады. Расталған жағдайда қатысушының нәтижесі жойылады;

4.8. Координатор өзінің жеке парақшасы арқылы бір немесе бірнеше адамды қатыстыра алады (бір ұжымнан ғана қатыстыруы тиіс);

Ұйымдастыру комитеті нәтиже шығарарда қатысушылардың нәтижесін IP адресі арқылы тексеріп, бір адамның бірнеше қатысушылардың атынан қатысқандығы анықталды. Ережені өрескел бұзған қатысушыларға қатаң ескерту жасаймыз және «Құрмет грамотасы» иегері бола алмайтындығын хабарлаймыз.

ҚҰРМЕТ ГРАМОТАСЫНЫҢ ИЕГЕРЛЕРІ

Ескерту! Құрмет грамотасының иегерлерін анықтауда 3 желтоқсан сағат 23:59-ге дейінгі қатысушылардың нәтижесі есепке алынды. Дедлайннан кейін қатысқан қатысушылардың нәтижесі қаралмайды. Олимпиада және сайт қолдану ережесінің 4-бөліміне сәйкес олимпиадаға қатысушының атынан өзге адамның қатысуына қатаң тыйым салынады. Осы ережені бұзған қатысушылардың нәтижесі Құрмет грамотасының иегерлеріне енгізілмегенін тағы да ескертеміз.

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жеңістер тілейміз.

Құрметпен Qaztest.kz олимпиада ұйымдастыру комитеті.