Үздік қазақ тілді білім сайты – Qaztest.kz онлайн олимпиада ұйымдастыру комитеті Абай атындағы ҚазҰПУ-мен жасалған меморандум аясында республикамыздағы мектепке дейінгі ұйым тәрбиешілері арасында дәстүрлі түрде ұйымдастырылатын X Республикалық «Үздік тәрбиеші» қашықтық олимпиадасының өз мәресіне жеткенін хабарлайды.

Олимпиадаға 2025 жылдың 30 қазан мен 30 қараша аралығында республикамыздың барлық өңірлеріндегі мектепке дейінгі ұйымдарда қызмет жасайтын тәрбиешілер белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Олимпиаданың іріктеу кезеңінің тапсырмалары мектепке дейінгі педагогика, екінші кезең тапсырмалары қолданыстағы нормативті құжаттар бойынша берілді.

Олимпиаданың мақсаты мен міндеттері:

1. Мектепке дейінгі ұйым қызметкерлерінің кәсіби біліктілігін арттыру;

2. Балабақша қызметкерлерінің шығармашылық ізденісін дамыту;

3. Тәрбиешілердің теориялық және практикалық білімін тексеру;

4. Республикамыздағы үздік тәрбиешілерді анықтау, оларға қолдау көрсету және марапаттау.

Бұл қашықтық олимпиада барлық өңірлердегі тәрбиешілерге кедергісіз білім жарыстырып, біліктілігін арттыру мүмкіншілігін беріп отыр.

Олимпиада 2 кезеңнен өткізілді. Әр кезеңде 25 сұрақтан, жалпы 50 сұрақтық тест тапсырмалары берілді. Іріктеу кезеңінен 17 ұпайдан жоғары ұпай алған қатысушылар қорытынды кезеңге жолдама алды.

Олимпиада ережесіне сәйкес ақтық кезеңде 17 ұпайдан жоғары алған қатысушылар олимпиада жүлдегері атанды.

Орын ұпайлары:

І орын – 23–25 ұпай

ІІ орын – 20–22 ұпай

ІІІ орын – 17–19 ұпай

Олимпиадада ең жоғары нәтиже көрсетіп, қорытынды кезеңде 24–25 ұпай жинаған қатысушылар «Құрмет грамотасымен» марапатталды.

Қатысушыларының марапаттары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом–Сертификат» бөлімінде сақталады.

Олимпиада ережесіне сәйкес екі кезең нәтижесі бойынша ең жоғары ұпай алған қатысушылар «Үздік тәрбиеші» төсбелгісімен марапатталады.

МАҢЫЗДЫ! ОЛИМПИАДА БАРЫСЫНДА ЕРЕЖЕ БҰЗУШЫ ҚАТЫСУШЫЛАР АНЫҚТАЛДЫ!

Олимпиада қатысушылары арасында олимпиадаға қатысу ережесінің 4-бөлімінің өрескел бұзылғандығын хабарлаймыз. Ережеде төмендегі бөлімдер жазылған.

4.1. Қатысушы ешкімнің көмегінсіз тапсырмаларды өзі орындауы тиіс;

4.2. Қатысушының атынан өзге біреудің қатысқандығы құрылғының IP адресі арқылы анықталады. Расталған жағдайда қатысушының нәтижесі жойылады;

4.8. Координатор өзінің жеке парақшасы арқылы бір немесе бірнеше адамды қатыстыра алады (бір ұжымнан ғана қатыстыруы тиіс);

Ұйымдастыру комитеті нәтиже шығарарда қатысушылардың нәтижесін IP адресі арқылы тексеріп, бір адамның бірнеше қатысушылардың атынан қатысқандығы анықталды. Ережені өрескел бұзған қатысушыларға қатаң ескерту жасаймыз және төсбелгі иегері бола алмайтындығын хабарлаймыз.

«ҮЗДІК ТӘРБИЕШІ»

ТӨСБЕЛГІСІНІҢ ИЕГЕРІ

Ескерту! Төсбелгі иегерлерін анықтауда 30 қараша, сағат 23:59-ге дейінгі қатысушылардың нәтижесі есепке алынды. Дедлайннан кейін қатысқан қатысушылардың нәтижесі қаралмайды. Олимпиада және сайт қолдану ережесінің 4-бөліміне сәйкес олимпиадаға қатысушының атынан өзге адамның қатысуына қатаң тыйым салынады. Осы ережені бұзған қатысушылардың нәтижесі төсбелгіге енгізілмегенін тағы да ескертеміз.

Маңызды! Төсбелгі иегері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз.

Қатысушылар ақпаратының құпиялылығы қатаң сақталады.

Мекен-жайларыңыздың және басқа да ақпараттарыңыздың дұрыстығы сыйлықтарыңыздың дұрыс баруына әсер етеді. Қате берілген мекен-жайлар үшін олимпиада ұйымдастыру комитеті жауап бермейді.

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз.

Құрметпен Qaztest.kz олимпиада ұйымдастыру комитеті.