IX Республикалық «Үздік жас маман» олимпиадасының қорытындысы

06.05.2025, 5:30

Үздік қазақ тілді білім сайты – Qaztest онлайн олимпиада ұйымдастыру комитеті республикамыздағы үздік жас мамандарды анықтау және оларды қолдау мақсатында дәстүрлі түрде ұйымдастырылатын IX Республикалық «Үздік жас маман» олимпиадасының өз мәресіне жеткенін хабарлайды.

Олимпиадаға 2025 жылдың 2 сәуірінен 2 мамыр аралығында республикамыздың барлық өңірлеріндегі білім беретін мекемелер мен мектепке дейінгі ұйымдарда қызмет ететін еңбек өтілі 5 жылға дейінгі жас мамандар белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Олимпиадада колледж және мектеп қызметкерлеріне педагогика, оқыту әдістемесі, психология және тәрбие жұмысының теориясы мен әдістемесі бойынша, ал мектепке дейінгі ұйым қызметкерлеріне мектеп жасына дейінгі балалар психологиясы, мектепке дейінгі педагогика және мектепке дейінгі тәрбие мен оқытудың нормативтік бойынша жас мамандардың білім көрсеткішін анықтайтын тапсырмалар берілді.

Олимпиаданың мақсаты мен міндеттері:

1. Колледж, жалпы білім беретін мектептер және мектепке дейінгі ұйымдарда қызмет ететін жас мамандардың кәсіби біліктілігін арттыру;

2. Жас мамандардың педагогикалық біліктілігін арттыру;

3. Республика көлемінде үздік жас мамандарды анықтау және оларды марапаттау.

Бұл қашықтық олимпиада барлық өңірлердегі жас мамандардың еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді және қатысушыларға 25 сұрақтық тест тапсырмалары берілді.

Олимпиада ережесіне сәйкес 17 ұпайдан жоғары алған қатысушылар олимпиада жүлдегері атанды.

Орын ұпайлары:

І орын – 25–23 ұпай

ІІ орын – 22–20 ұпай

ІІІ орын – 19–17 ұпай

Олимпиада жүлдегерлерінің І, ІІ, ІІІ дәрежелі дипломдары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесіне сәйкес, республика бойынша ең жоғары ұпай алған қатысушылар «Үздік жас маман» төсбелгісімен және 23–25 ұпай алған қатысушылар «Құрмет грамотасымен» марапатталады.

Маңызды! ОЛИМПИАДА БАРЫСЫНДА ЕРЕЖЕ БҰЗУШЫ ҚАТЫСУШЫЛАР АНЫҚТАЛДЫ:

Олимпиада қатысушылары арасында олимпиадаға қатысу ережесінің 4-бөлімінің өрескел бұзылғандығын хабарлаймыз. Ережеде төмендегі бөлімдер жазылған.

4.1. Қатысушы ешкімнің көмегінсіз тапсырмаларды өзі орындауы тиіс;

4.2. Қатысушының атынан өзге біреудің қатысқандығы құрылғының IP адресі арқылы анықталады. Расталған жағдайда қатысушының нәтижесі жойылады;

4.8. Координатор өзінің жеке парақшасы арқылы бір немесе бірнеше адамды қатыстыра алады (бір ұжымнан ғана қатыстыруы тиіс);

Ұйымдастыру комитеті нәтиже шығарарда қатысушылардың нәтижесін IP адресі арқылы тексеріп, бір адамның бірнеше адамның атынан қатысқандығы анықталды. Сонымен қатар, ережеге сәйкес, еңбек өтілі 5 жылдан асқан қатысушылардың нәтижесі есепке алынбады. Ережені өрескел бұзған қатысушыларға қатаң ескерту жасаймыз және төсбелгі иегері бола алмайтындығын хабарлаймыз.

 

«ҮЗДІК ЖАС МАМАН» ТӨСБЕЛГІСІНІҢ ИЕГЕРЛЕРІ

 

Мирзабаева Жулдыз Серикқызы

Облыс: Қызылорда облысы

Қала: Жаңақорған ауданы

Мектеп: №221 ЖББМ

Жетібаева Акерке

Облыс: Қызылорда облысы

Қала: Қармақшы ауданы

Мектеп: №284 мамандандырылған –мектеп-лицей интернаты

Ескерту! Төсбелгі иегерлерін анықтауда 2 мамыр күнгі сағат 23:59-ге дейінгі қатысушылардың нәтижесі есепке алынды. Дедлайннан кейін қатысқан қатысушылардың нәтижесі алынбайды. Олимпиада және сайт қолдану ережесінің 4-бөліміне сәйкес олимпиадаға қатысушының атынан басқа адамның қатысуына қатаң тыйым салынады. Осы ережені бұзған қатысушылардың нәтижесі төсбелгіге енгізілмегенін тағы да хабарлаймыз.

Маңызды! Төсбелгі иегерлері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз.


Жеңімпаздың аты-жөні:

 

Облыс, қала, аудан, ауыл:

 

Үй және пәтер нөмірі:

 

Индекс:

 

Ұялы телефоны:

 

Қатысушылар ақпаратының құпиялылығы қатаң сақталады.

Мекен-жайларыңыздың және басқа да ақпараттарыңыздың дұрыстығы сыйлықтарыңыздың дұрыс баруына әсер етеді. Қате берілген мекен-жайлар үшін олимпиада ұйымдастыру комитеті жауап бермейді.

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз.

Құрметпен Qaztest.kz олимпиада ұйымдастыру комитеті