Үздік қазақ тілді білім сайты – Qaztest.kz онлайн олимпиада ұйымдастыру комитеті Абай атындағы ҚазҰПУ-мен жасалған меморандум аясында қазақтың ұлы ақыны, философы әрі ағартушысы Абай Құнанбайұлының өмірі мен шығармашылық мұрасын кеңінен насихаттау мақсатында оқушылар және студенттер арасында дәстүрлі түрде ұйымдастырылатын V Республикалық «Абай әлемі және рухани мұрасы» қашықтық олимпиадасының өз мәресіне жеткенін хабарлайды.

Олимпиадаға ағымдағы жылдың 20 қаңтар мен 26 ақпан аралығында республикамыздың барлық өңірлеріндегі 5–11-сынып оқушылары мен ЖОО және колледж студенттері белсенді түрде қатысты. Жыл сайын олимпиада сұрақтарының мазмұнына және сапасына мән беріліп келеді.

Олимпиада тапсырмалары А. Құнанбайұлының өмірі мен шығармашылығы бойынша берілді.

Олимпиаданың мақсаты мен міндеттері:

1. Абай Құнанбайұлының өмірі мен шығармашылық мұрасын насихаттау;

2. Күрделі деңгейлі тапсырмаларды өздігінен орындау арқылы оқушылар мен студенттердің коммуникативті-ақпараттық дағдыларын дамыту;

3. Оқушылар мен студенттерді патриотизмге баулу және ұлттық мәдениетімізге деген құрметті дәріптеу;

4. Республикамыздағы үздік Жас Абайтанушыларды анықтау және оларды марапаттау.

Бұл қашықтық олимпиада барлық өңірлердегі мектеп оқушылары мен ЖОО және колледж студенттері еш кедергісіз білім жарыстырып, біліктілігін арттыру мүмкіншілігін беріп отыр. Олимпиада бір кезеңнен өткізілді. Қатысушыларға 25 сұрақтық тест тапсырмалары берілді.

Олимпиада ережесіне сәйкес 17 ұпайдан жоғары алған қатысушылар олимпиада жүлдегері атанды.

Орын ұпайлары:

І орын – 25–23 ұпай

ІІ орын – 22–20 ұпай

ІІІ орын – 19–17 ұпай

Олимпиадада ең жоғары нәтиже көрсетіп, 24–25 ұпай жинаған қатысушылар «Жас Абайтанушы» дипломымен марапатталды.

Қатысушыларының марапаттары электронды почталарына олимпиада аяқталғаннан кейін автоматты түрде жіберілді және жеке парақшасындағы «Диплом-Сертификат» бөлімінде сақталады.

Олимпиада ережесіне сәйкес ең жоғары ұпай алған қатысушылар «Жас Абайтанушы» төсбелгісімен марапатталады.

ТӨСБЕЛГІ ИЕГЕРЛЕРІ

Ескерту! Төсбелгі иегерлерін анықтауда 26 ақпан күнгі сағат 23:59-ге дейінгі қатысушылардың нәтижесі есепке алынды. Дедлайннан кейін қатысқан қатысушылардың нәтижесі қаралмайды.

Маңызды! Төсбелгі иегерлері біздің почтамызға аты-жөніңізбен толық мекен-жайыңыз, индекстеріңізді және байланыс номерлеріңізді келесі формада жазып, qaztest.kz@mail.ru почтасына жібере берулеріңізді сұраймыз.

Қатысушылар ақпаратының құпиялылығы қатаң сақталады. Мекен-жайларыңыздың және басқа да ақпараттарыңыздың дұрыстығы сыйлықтарыңыздың дұрыс баруына әсер етеді. Қате берілген мекен-жайлар үшін олимпиада ұйымдастыру комитеті жауап бермейді.

Олимпиаданың жоғары деңгейде өтуіне атсалысқан барлық қатысушыларға алғыс білдіреміз және жаңа жеңістер тілейміз.

Құрметпен Qaztest.kz олимпиада ұйымдастыру комитеті.