«Үздік педагог» олимпиадасы (мұғалімдер, 1-кезең)

19.09.2021, 14:12

ҚР Тұңғыш Президенті қоры сыйлығының иегері, үздік қазақ тілді білім сайты – Qaztest.kz онлайн олимпиада ұйымдастыру комитеті Абай атындағы ҚазҰПУ-мен жасалған меморандум аясында республикамыздағы білікті педагогтарды анықтау және оларды қолдау мақсатында IV Республикалық «Үздік педагог» қашықтық олимпиадасын өткізеді.

Олимпиадаға білім беру ұйымдарында қызмет жасайтын оқытушылар, мектеп мұғалімдері және мектепке дейінгі ұйым қызметкерлері қатыса алады. Олимпиада тапсырмалары мұғалімдер мен мектепке дейінгі ұйым қызметкерлеріне жеке-жеке дайындалады.

Олимпиада qaztest.kz сайтында өтеді. 

Олимпиада екі кезеңнен ұйымдастырылады. Олимпиада 2021 жылдың 20 қыркүйек пен 20 қазан аралығында өткізіледі. Екінші кезең тест тапсырмалары іріктеу кезеңінен 17 ұпайдан жоғары жинаған қатысушыларға ашылады. Екі кезеңді де олимпиада өткізілетін уақыт аралығында тапсыруға болады.

Қорытындысы 22 қазан күні жарияланады.

Олимпиаданың екінші кезеңінің қорытындысы бойынша жеңімпаздар мен жүлдегерлерге І, ІІ, ІІІ дәрежелі дипломдар, Үздік ұжымдарға арнайы плакетка беріледі. Республика бойынша екі кезең нәтижесін қоса алғанда ең жоғары ұпай алған 30 қатысушы «Ozat pedagog» төсбелгісімен және 24-25 ұпай жинаған қатысушылар «Құрмет грамотасымен» марапатталады.

Олимпиада туралы толық ақпаратты +7 700 978 59 22; +7 775 998 83 87 телефондары арқылы білуіңізге болады.