Дүниетану олимпиадасы (Бастауыш сынып мұғалімдері)

05.03.2020, 15:31

ҚР Тұңғыш Президенті қоры сыйлығының иегері, үздік қазақ тілді білім сайты – Qaztest.kz онлайн олимпиада ұйымдастыру комитеті мен Абай атындағы Қазақ Ұлттық педагогикалық университетімен біріге отырып І Республикалық бастауыш сынып мұғалімдеріне арналған пәндік олимпиадасын (бұдан әрі Олимпиада) өткізеді.

Олимпиаданың мақсаты: бастауыш сынып мұғалімдерінің біліктілігін арттыру және білім деңгейін тексеру.

Олимпиада сұрақтары қазақ тілі, математика, дүниетану және жаратылыстану пәндерінің оқу бағдарламасы мен әдістемесі бойынша беріледі. 

Олимпиада 4 пән бойынша Қазақ тілі, Жаратылыстану, Дүниетану және математика пәндері бойынша бөлек-бөлек өткізіледі. Бір қатысушы бір немесе бірнеше олимпиадаға қатыса алады. Олимпиадаға қатысу ерікті түрде жүзеге асырылады. 

Олимпиада qaztest.kz сайтында өтеді.

Олимпиада бір кезеңнен тұрады. Олимпиада 5 наурыз бен 15 сәуір аралығында өтеді. Қорытындысы: 17 сәуір күні жарияланады. Елімізде жарияланған төтенше жағдайларға байланысты олимпиада уақыты 10 күнге ұзартылғанын хабарлаймыз. 

Олимпиада жүлдегерлеріне І, ІІ, ІІІ дәрежелі дипломдар беріледі.

Барлық пәндерге қатысып, жүлдеге іліккен қатысушылар оқу бағдарламасын жоғары деңгейде меңгергені үшін «Үздік бастауыш сынып мұғалімі» дипломыменмарапатталады, олардың ішінде жиынтық ұпайы жоғары 50 қатысушыға «Қазақстан ұстазы» төсбелгісі беріледі.

Олимпиаданың ақпараттық демеушісі Martebe.kz республикалық білім порталы. Олимпиада туралы толық ақпаратты +7(727) 229-63-69; +7700 978 59 22; +7775 998 83 87 телефондары арқылы білуіңізге болады.