«Үздік жас маман» олимпиадасы (балабақшаға)

15.03.2020, 14:37

«SKILLS ACADEMY» мекемесі Абай атындағы Қазақ ұлттық педагогикалық университетімен бірлесе отырып Qaztest.kz қазақ тілді интернет олимпиада сайтында  ІV республикалық «Үздік жас маман» олимпиадасын (бұдан әрі Олимпиада) жариялайды. Байқау биыл алғаш рет тест форматында өткізіледі. 

Олимпиадаға жалпы білім беретін мектептер мен мектепке дейінгі ұйымдарда жұмыс жасайтын еңбек өтілі 5 жылға дейінгі жас мамандар қатыса алады.  Олимпиадада педагогика және психология, балалар психологисы, тәрбие жұмысының әдістемесі пәндері бойынша жас мамандардың білім көрсеткішін анықтайтын тесттер беріледі. Олимпиада сұрақтары мектеп пен балабақша қызметкерлері үшін екі бөлек дайындалады. Олимпиада qaztest.kz сайтында онлайн өтеді.

Олимпиаданың өту уақыты: 5 наурыз – 15 сәуір аралығы. Елімізде жарияланған төтенше жағдайларға байланысты олимпиада уақыты 10 күнге ұзартылды. 

Қорытынды 8 сәуір күні сайтта жарияланады.

Олимпиада жүлдегерлеріне І,ІІ,ІІІ дәрежелі дипломдармен және ең жоғары ұпай алған 150 қатысушы «Үздік жас маман» төсбелгісімен марапатталады.

Олимпиаданың ақпараттық демеушісі Martebe.kz республикалық білім порталы. Олимпиада туралы толық ақпаратты +7(727) 978 59 22; +7 700 978 59 22; +7 775 998 83 87 телефондары арқылы білуіңізге болады.