+7 (700) 978-59-22

Басқа жаңалықтар

Біздің басты мақсатымыз - оқушыларды ынталандыру

  • 16.04.2019, 13:20
  • Маңызды

 

 

Қайырлы күн құрметті қолданушылар!

Сайтымызда қазақтан шыққан тұңғыш тарих ғылымдарының докторы Е.Бекмаханов атындағы І Республикалық Қазақстан тарихы олимпиадасы мен А.Байтұрсынұлы атындағы ІІІ Республикалық қазақ тілі мен әдебиеті олимпиадасы ұйымдастырылып жатқанына естеріңізге саламыз. А.Байтұрсынұлы олимпиадасы 10 сәуірден басталады.

Qaztest.kz қазақ тілді интернет олимпиада сайты – 2017 жылы ҚР Тұңғыш Президенті – Елбасы қорының «Ең үздік білім сайты» аталымының жеңімпазы атанды.  Сайт №17359-СИ тіркеу куәлігімен ҚР Ақпарат және коммуникациялар министрлігіне тіркелген.       Сайт олимпиадалары ҚР Білім және ғылым министрлігінің 2018 жылғы 24 мамырдағы №226 бұйрығының конкурстар тізбесіне 257 жолға енгізілген.

Олимпиадаларымызда 25 сұрақтың 17-нен жоғары сұрақтарға дұрыс жауап берген оқушыларға жүлделі орындар беріледі. 

Біздің басты мақсатымыз - оқушыларды ынталандыру. Тек жоғары нәтижелерді ғана есепке алып емес, қабілетін шыңдағысы келетін жас жеткіншектерді де ынталандыру, қазақ тарихы мен тіліне деген қызығушылығын ояту. 2017 жылдан бергі олимпиадаларымызда тек 22 ұпайдан жоғары ұпай жинаған оқушыларды іріктеп алатынбыз. Биылғы жылдан бастап ұстаздардың ұсынысын ескере отырып, төменгі ұпайды 17 ұпайға дейін төмендеттік. 

 

Тест сұрақтары мектеп бағдарламасынан беріледі. Бағдарламаны меңгерген оқушылардың білім деңгейін тексеруге болады. 

 

Qaztest.kz сайты - қазақ тілді сайт. Мемлекеттік тілді дамыту қоры мен ҚР Тұңғыш Президенті қорының марапатын иеленген. Сайтымызда өтіп жатқан олимпиадалардың нәтижесінде ең жоғары нәтиже көрсеткен оқушыларға "Қазақстан үміті" төсбелгісі мен Республикалық "Ұлан" және "Ақжелкен"  балалар басылымының 6 айлық жазылу түбіртегі сыйға беріледі. Бұл басылымдарды оқыған жас өмірде өз жолын тауып, жақсы азамат боларына шек келтірмейміз. 

 

Сонымен қатар, олимпиадаға қатысу арқылы қайырымдылық шарасына үлес қосатындарыңызды айтқымыз келеді. Алдыңғы олимпиадалардың нәтижесінде Кемелхан Арсен есімді бүлдіршіннің отасына қаржылай көмек көрсетілді. Ол туралы сайтымыздың жаңалықтар бөлімінен оқысаңыздар болады. Осындай жақсы істі жас ұрпаққа насихаттап, бүгіннен ойын қалыптастырсақ ертеңіміз үшін жасаған зор үлгіміз болары сөзсіз. 


Алдағы уақытта да жобаларымызды одан әрі жетілдіре түсуге ұмтыламыз.

 

Құрметпен сайт редакциясы